Möhacirlärne utırtqan tizyöreşle köymä belän Gretsiyä yar buyı saqçılarınıñ patrul' korabı bäreleşü näticäsendä, kim digändä, 14 keşe hälaq bulğan.
Gretsiyä yar buyı saqçıları çığanaqlarına tayanğan “ERT” xäbärenä qarağanda, waqıyğa sişämbe kiçendä Ksios (Sağız) utrawınıñ Mirsinidi plajı yanında bulğan. Bäreleşüdän soñ qotqaru törkemnäre diñgezdän 14 keşeneñ üle gäwdäsen çığarğan.
Aralarında cide bala häm ike awırlı xatın-qız da bulğan yaralanğan möhacirlär däwalaw öçen xastaxanälärgä ozatılğan.
Xäbärlärgä qarağanda, wazıyfa başqaruçı ber xatın-qıznıñ baş miye selkengän, ber ir-at xezmätkärneñ isä qulı cäräxätlänüe belderelä.
Şul uq waqıtta, bawır yırtıluı, üpkä izelüe, talaq yırtıluı häm baş miye travması kebek awır cäräxätlär alğan dürt möhacirneñ xäle dä awır buluı citkerelä.
