Sudannıñ Tön’yaq Kordofan vilayätendä  Operativ yärdäm köçläreneñ altın bazarına oyıştırğan höcümendä tınıç xalıqtan 5 keşe hälaq bulğan, 27 keşe yaralanğan.

Cirle “Dar Hamar” ictimağıy oyışmasınıñ ğadättän tış xällär komitetı belderüendä Operativ yärdäm köçläreneñ Tön’yaq Kordofandağı Umm Badr şähärendä urnaşqan altın bazarına höcüm oyıştıruı citkerelde.

Höcüm näticäsendä tnıç xalıqtan 5 keşe hälaq bulğan, 27 keşe yaralanğan.

Komitet êlegräk yasağan belderüendä Operativ yärdäm köçläreneñ Umm Badrdağı altın bazarın häm andağı kibetlärne talawın beldergän ide.

Operativ yärdäm köçläre älegä höcüm turında belderü yasamadı.

Sudan armiyäse soñğı könnärdä Tön’yaq häm Könbatış Kordofanda Operativ yärdäm köçläre kontrolendäge qayber töbäklärdä alğa baru täêmin itte.

Armiya 19 sentyabrdä Tön’yaq Kordofannıñ Sodari şähäre tön’yaq-könçığışında urnaşqan strategik Äl-Cämäma töbägendä kontrol urnaştıruın, ber kön êlek isä töbäktäge 11 cirlekne  üz qulına töşerüen beldergän ide.

Sudanda 2023 yılnıñ 15 aprelennän birle armiya belän  Operativ yärdäm köçläre arasında bäreleşlär bara.