Törkiyä êksportçılar assosiaśiyase mäğlümatlarına qarağanda, Törkiyäneñ êksportı ağımdağı yılnıñ berençe 4 ayında 2025 yılnıñ şul uq çorına qarağanda 3%ka artıp, 88 milliard 630 million dollarğa kütärelde.

Älege çorda Awrupa Berlege illärenä êksport 6,31%lık artış belän 35 milliard 225 million dollar buldı.

Awrupa Berlegenä iñ küp êksportnı 10 milliard 284 million dollar belän avtomobil tarmağı başqardı, annan soñ 4 milliard 621 million dollar belän ximik matdälär häm êşlänmäläre, 3 milliard 176 million dollar belän äzer kiyem, 2 milliard 681 million dollar belän timer häm timer bulmağan metallar, 2 milliard 610 million dollar belän êlektr häm êlektronika, 2 milliard 230 million dollar belän qorıç häm 1 milliard 342 million dollar belän texnika häm detal’läre tarmağı kilde. Bu tarmaqlarnıñ Awrupa Berlege illärenä tuplam êksporttağı öleşe 30,49% buldı.

Ğıynwar-aprel’ aylarında Awrupa Berlege illäre arasında iñ küp êksport Germaniyagä çınğa aştı. Bu ilgä êksport 7,2%kä artıp, 6 milliard 769 million dollarğa kütärelde. Germaniyädän soñ 4,5 milliard dollar belän İtaliä, 3,5 milliard dollar belän İspaniä, 3 milliard 484 million dollar belän Franśiä häm 2 milliard 443 million dollar belän Rumıniya kilä.