Süriyäneñ saqlanu ministrlığı Süriyä armiyaseneñ Xäleb cirlegendäge Ayn äl-Arab şähäre tiräsendäge tınıç xalıq yäşägän yortlarğa höcüm itärgä tırışqan “YPG” terror oyışması dronnarın bärep töşerüen belderde.
Ministrlık düşämbe könne kiçke sägätlärdä yasağan belderüendä Süriyä armiyase berlekläreneñ terrorçılar qullanğan berniçä kamikadze häm küzätü dronnarın totqarlawın citkerde
Süriyäneñ ğaräp xäbär agentlığı “SANA” xäbär itkänçä ministrlıkka qarağan Media häm elemtä bülege armiyä köçläreneñ “YPG” terror oyışması citäkçelegendäge “SDG”nıñ berniçä kamikadze häm küzätü apparatın bärep töşerüen açıqladı.
Belderügä kürä bu dronnar Xäleb cirlegendä urnaşqan Ayn äl-Arab tiräsendäge yullarnı häm torak punktlardagı yortlarnı maqsat itep alu öçen qullanılğan.
Älege waqıyğa Süriyä xökümäte belän terror oyışması “YPG” arasında utnı tuqtatu kileşüe tağın 15 köngä ozaytıluğa qaramastan kilep çıqtı.
Süriyä armiyäse yäkşämbe könne dä “YPG”neñ Süriyäneñ tönyağındağı Ayn äl-Arab töbäge tiräsendäge armiyä poziśiyalärenä ut açıp, kileşüne bozuın beldergän ide.
