Tışqı êşlär ministrlığı Yämändäge xusilärneñ Mädinä Mönäwwärädä Mäsciden-Näbävigä xezmät kürsätüçe grajdanlık asqormasına yünälgän höcümnärne qırıs räweştä ğayepläde.

Ministrlık xusilärneñ Soğud Ğaräbstanına yünälgän höcümnäre turında yazmaça belderü yasadı.

Belderüdä: “Xusilärneñ Mädinä Mönäwwärädä Mäsciden-Näbävigä xezmät itüçe grajdanlık asqormasına yünälgän höcümnären qırıs räweştä ğayeplibez. Soğud Ğaräbstanınıñ möstäqillege häm iminlegenä yanawçı, İslam dönyasınıñ izge qimmätlärenä yünälgän bu höcümnär şunduq häm şartsız tuqtarğa tiyeş,” - dip äytelde.

Törkiyä Soğud Ğaräbstanına bulğan nıq yaqlawın qabatladı, töbäktäge kiyerenkelekne tağın da arttıra ala torğan adımnardan taypılu kiräklegen assızıqladı.

Soğud Ğaräbstanı citäkçelegendäge Ğaräp koaliśiyäse kiçä yasağan belderüendä, Yämändäge xusilärneñ 3 kön êlek Soğud Ğaräbstanınıñ Mädinä şähärendäge “Taybe” êlektr stanśiyasenä dron belän höcüm itülären xäbär itkän ide.