Tışqı êşlär ministrı Xaqan Fidan Ukrainağa 2 könlek säfär yasayaçaq.
Tışqı êşlär ministrlığı çığanaqlarınnan alınğan mäğlümatqa kürä Fidannıñ säfäre qısalarında Ukraina däwlät başlığı Volodimir Zelenskiy tarafınnan qabul itelüe häm Ukraina tışqı êşlär ministrı Andrey Sibiga belän ber rättän başqa yuğarı däräcäle räsmi zatlar belän dä oçraşu uzdıruı planlaştırıla.
Ministr Fidannıñ oçraşularda Törkiyä-Ukraina mönäsäbätläreneñ iqtisad, ênergetika häm saqlanu belän bergä här ölkädä tağın da üsterelüe häm ike il arasındağı strategik partnyerlıknıñ tiränäytelüe öçen yasalaçaq urtaq adımnar belän bäyle fiker alışuı kötelä.
Törkiyäneñ Ukrainanıñ bäysezlegenä, möstaqillegenä häm cir bötenlegenä kürsätkän yärdämen, Ukrainağa här ölkädä häm platformada yasalğan yärdämnärne dä telgä alıp raslayaçaq minisrt Fidannıñ, Ukrainada ğadel häm daimi tınıçlıqnıñ täêmin itelüenä yünältelgän diplomatik tırışlıqlarnıñ däwam itüeneñ möhimlegenä iğtibar cälep itüe häm Törkiyäneñ Ukraina häm Rusiyäne söyläşü östäle tiräsendä yañadan oçraştırırğa äzer buluın belderüe küzallana.
Xaqan Fidannıñ 4 yıl êlek başlanğan Rusiya-Ukraina suğışınıñ Qara diñgezgä küçmäskä tiyeşlegenä basım yasap, Qara diñgezdä artqan kiyerenkelekneñ kimetelüen häm köymä xäräkäte imimlegeneñ täêmin itelüeneñ ähämiyäten assızıqlawı kötelä.
