İzrail häm Livan delegatsiyäläre çärşämbe könne Livannıñ kön'yaq öleşendäge Nakoura şähärendä utnı tuqtatunı küzätü mexanizmı cıyılışında qatnaştı. Bu ike il arasında 40 yıldan artıq waqıt êçendä bulğan berençe turıdan-turı söyläşü.

Vaşingtonnıñ êlekke Livan ilçese Simon Karam häm İzrail milli iminlek şurasınıñ tışqı säyäsät yuğarı direktorı Uri Resnik AQŞnıñ Livandağı maxsus wäkile Morgan Ortagus räislegendä uzğan oçraşuda grajdanlı' qatnaşuçılar buldı.

İzrail xökümät başlığı Benyamin Netanyaxu ofisı beldergänçä, oçraşu "yäxşı atmosferada” uzdı.

"Oçraşuda Izrail belän Livan arasında iqtisadi xezmättäşlekne üsterü öçen fikerlär buldıru turında kileşende" — diyelä ofisnıñ belderüendä. Tik “Xizbulla”nıñ qoralsızlandırıluı iqtisadi xezmättäşlekkä qaramastan zaruri dip bilgelände.

Yaqlar söyläşülärne däwam itü turında kileşte.

Netanyaxunıñ ofisı monnan alda yasağan belderüendä: “Bu - İzrail belän Livannıñ mönäsäbätlär häm iqtisadi xezmättäşlek tözü yünäleşendäge omtılış” dip yazğan ide.

İzrailneñ 12nçe kanalı bu iğlannı “ğadätlänelmägän” dip bäyäläde.