İrannıñ Hörmezgan diñgez häm portlar idaräse ğomum mödire Möxämmäd Rıza Möxämmäd Xösäynitahti 28 fevral'dä AQŞ höcümnäre belän başlanğan suğışqa häm däwam itüçe kiyerenkeleklärgä, şulay uq köçäytelgän sankśiyälärgä qaramastan, soñğı 6 ayda ildän 5 million 140 meñ tonna neft produktları êksportlanuın belderde.

İrannıñ “Fars” agentlığı xäbärenä qarağanda, Hörmezgan diñgez häm portlar idaräse ğomum mödire Xösäynitahti neft produkśiyäse êksportı turında belderü yasadı.

Xösäynitahti AQŞ höcümnäre belän başlanğan suğışqa häm däwam itüçe kiyerenkeleklärgä, şulay uq köçäytelgän sankśiyälärgä qaramastan, ilneñ neft produkśiyäse êksportınıñ berqayçan da tuqtamawın häm däwam itüen äytte.

Ormuz buğazı belän çiktäş Hörmezgan ustanınıñ  Bändäre - Ğabbas şähärendä urnaşqan Şähid Räcai portınnan neft produkśiyäse eksportınıñ da däwam itüen beldergän Xösäynitahti bolay dide:

“(İranda yılnıñ berençe köne dip sanalğan 21 marttan başlap) 6 ay êçendä 325 köymä operaśiyäse terkälde häm bu operaśiyäyälärdä 5 million 140 meñ tonna neft produkśiyäse eksportlandı”.