İndoneziyä tışqı êşlär ministrı Sugiono häm Qıtay tışqı êşlär ministrı Van İ saqlanu ölkäsendä xezmättäşlek häm ênergetika qurqınıçsızlığı  turında fiker alıştılar.

Oçraşu İndoneziyä başqalası Djakartada uzdı.

Oçraşudan soñ uzdırılğan matbuğat konferenśiyäsendä Sugiono säyäsät, iqtisad häm iminlek kebek ölkälärdä ike yaqlı mönäsäbätlärne üsterüneñ maqsat itep quyıluın belderde.

Qıtay tışqı êşlär ministrı Van isä xalıqara ğädellekne häm üsep kilüçe illärneñ xoquqların häm mänfäğatlären yaqlaw kiräklegenä basım yasap bolay dide: “Ber yaqlı köç qullanuğa häm köç säyäsätenä bergäläp qarşı toraçaqbız”.