AQŞnıñ êçke qurqınıçsızlıq ministrlığı Minneapolis şähärendä 10 meñnän artıq “qanunsız cinayätçe migrantnıñ” qulğa alınuın iğlan itte. Êçke qurqınıçsızlıq ministrı şähärdä iminlekne täêmin itä almawda cirle citäkçelärne ğayepläde häm, migrantlarğa qarşı çaralarğa bäyle rizasızlıqlarğa qaramaqstan, ütkärelgän operatsiyälärne yaqlap çıqtı.

AQŞnıñ êçke qurqınıçsızlıq ministrı Kristi Noem, düşämbe könne yasağan belderüendä, Minnesotanıñ Minneapolis şähärendä migrantlarğa qarşı däwam itüçe operatsiyälär qısasında departamentınıñ 10 meñnän artıq migrantnı qulğa aluın belderde.

Noem: “Minneapolista amerikalılarnı ütergän, balalarğa zarar kitergän häm terrorçılıq cäyeldergän 10 meñnän artıq qanunsız cinäyätçe çit il keşesen qulğa aldıq”, — dide häm Minnesota gubernatorı Tim Uolz belän Minneapolis mêrı Yakob Freynı şähär xalqın saqlamawda ğäyepläde.

Noem soñğı altı atnada xoquq saqlaw köçläreneñ yaqınça 3 meñ migrantnı qulğa aluın da citkerde.

Minneapolis, 7 ğıynwarda migratsiyä häm çik buyı sağı agentınıñ 37 yaş’lek Rene Nikol Gudnı atıp üterüennän soñ, migratsiyä säyäsätenä bäyle milli bäxäslärneñ üzägenä äylängän ide.

Amerikalı ana Gudnıñ üterelüe cämäğätçelektä häm säyäsi dairälärdä zur rizasızlıq uyattı, cirle, ştat häm federal’ däräcälärdä tikşerü başlaw çaqıruları yasaldı.