Yaponiya galimnäre Şimon Sakaguçi häm Susumu Kitagava meditsina häm ximiyä ölkälärendä yasalğan töp açışları öçen Stokgolmda Nobel büläklärenä layıq buldı.

Çärşämbe könne Stokgolm konsert zalında uzğan tantanada Şvetsiya patşası Karl Gustaf XVI altın medallär häm diplomnarnı Osaka universitetınıñ xörmätle professorı 74 yäşlek Sakaguçiğa häm Kyoto universitetı professorı 74 yäşlek Kitagavağa tapşırdı.

Yaponiyaneñ “Kyodo” xäbär agentlığına kürä, soñğı 10 yılda berençe tapqır ber ük yılda Yaponiyaneñ 2 ğalime ike törle ölkädä Nobel laureatı bula.

Meditsina Nobelen alğan Sakaguçinıñ tärtipkä saluçı T-küzänäklären açuı avtoimmun awırular, yaman şeş häm başqa sӓlamӓtlek problemaların däwalaw öçen yaña ısullarğa yul açtı.

Ximiyä Nobelen alğan Kitagava metan häm azot kebek gazlarnı saqlıy häm bülep çıağara ala torğan metall-organik karkaslar yasadı.

Här Nobel büläge 11 million kron (yakınça 1,2 million dollar) külmendäge aqçalata premiyä belän bergä birelä. Sakaguçi häm Kitagava Nobel büläklären üz ölkälärendä ike başqa tikşerenüçe belän urtaqlaştı.

Xäzergä qadär Yaponiya 31 Nobel laureatı çığardı. Aralarında uzğan yıl büläklängän “Nihon Hidankyo” törkeme dä bar. Alar atom bombası qorbannarı bularaq atom-töş qorallarına qarşı êşçänlekläre öçen Nobel Tınıçlıq Premiyase aldı.