Bel'giya matbuğatı xäbär itüençä, Flamand töbägeneñ Dendermond şähärendä sotsial' yaqlaw oışmasına qarawçı iske binanı tözekländerüçe êşçelär podval divarınıñ êçendä yäşeren sandıq tapqan.

“De Brand” tözeleş kompaniyäse xezmätkärläre sandıqnı açsa - êçe küpsanlı qoyılğan altın häm täñkälär belän tulı. Alar tabıldıq turında bina xucaşına, sotsial yaqlaw oyışmasına häm xoquq saqlaw organnarına xäbär itä.

Bu xäl politsiyägä xäbär itelgännän soñ, altınnı konfiskatsiyäläp qurqınıçsız urınğa alıp kitälär.

Könçığış Flandriya prokuraturası altınnıñ kemneke buluın, anıñ binada qayçan häm kem tarafınnan yäşerelgänlegen, şulay uq, qanunlı räweştä alınğanmı-yuqmı ikänen açıqlaw öçen tikşerü başlağan.

Yaqınça 9 million yevro bäyäsendäğe xäzinäneñ soñğı xucaşı äleğä açıqlanmağan.

Yañalıqlardan soñ, älege cirlekkä altın tabarğa ömetlänep bik küp keşe kilgän.