Süriyä saqlanu ministrlığı Xälebneñ tönyaq öleşendäge berniçä mäxällädä utnı tuqtatuın belderde, älege adım töbäktäge xärbi xälne beterü maqsatınnan yasala.

Süriyä ğaräp xäbär agentlığı belderüenä kürä, xökümät bu rayonnarda kontrol' urnaştırıluın beldergännän soñ, utnı tuqtatu comğa kön cirle waqıt belän irtänge säğat 3tän Aşrafiyä, Şäyex Maksud häm Bani Zäid mäxällälärendä ğamälgä kertelgän.

Ministrlıq xärbi xälne tulısınça beterü öçen qorallı törkemnärgä comğa irtänge säğät 9ğa qadär mäxällälärdän kitü öçen waqıt birüen belderde.

Bu belderü êçke êşlär ministrlığınıñ, PKK/YPG terrorçı oyışması çığarılğannan soñ, Süriyä êçke iminlek köçläreneñ Aşrafiyä mäxälläsenä urnaşa başlawı turında äytüennän soñ yasaldı.

Wäqalätlelär ğaskärlär urnaştırunıñ Şäyex Maksud häm Aşrafiyädän küp kenä “YPG” äğzalarınıñ kitüennän soñ başqarıluın, ä qalğannarınıñ isä töbäktän qaçuın citkerde.

Süriyä armiyäse dä Xälebta “YPG” pozitsiyälärenä artilleriyädän köçle häm maqsatlı ut açtı. Xökümät bu çaralarnı “YPG” tarafınnan yasalğan höcümnärgä cawap bularaq başqara. Alar, kim digändä, tuğız grajdanlını üterde häm distälärçä keşene yaraladı.

2025nçe yılnıñ 10nçı martında Süriyä ilbaşı apparatı “SDG”neñ däwlät institutlarına integratsiyäsen maqsat itep quyğan, Süriyäneñ territorial bötenlegen raslawçı häm nindi dä bulsa bülgäläwne kire qağuçı kileşü imzalanuın belderde.

Wäqalätlelär terrorçı oyışmanıñ, kileşü imzalanğannan birle, anıñ şartların tormışka aşıru öçen adım yasamawın citkerde.