İzrailneñ saqlanu ministrlığınnan ber räsmi zat yäkşämbe könne belderü yasap, ike yıl êlek Ğazzädä suğış başlanğannan birle psixik awırulardan däwalanuçı ğaskärilär sanınıñ kisken räweştä artuın äytte.

Ministrlıknıñ reabilitaśiya departamentı başlığı urınbasarı Tamar Şamoni “Armiya radiosı”na yasağan belderüendä ministrlıknıñ 2023 yılnıñ 7 oktäbr könne 62 meñ psixik awırunı däwalawın häm bu sannıñ yaqınça 85 meñgä kütärelüen citkerde. Şamoni monıñ tiñe kürelmägän artış buluın äytte.

Şamoni İzrail ğaskäriläreneñ öçtän ber öleşendä 7 oktäbr könge waqıyğalar arqasında psixik awırular kürelüen citkerde.

Ber terapist xäzerge waqıtta 750 xastağa qarıy, qayber urınnarda bu san tağın da kübräk.

“Yedioth Ahronoth” gazetınıñ noyabr ayındağı xäbärenä kürä narkotik qullanu artqan häm yaqınça ike million keşe psixik sälamätlek yärdämenä moxtac.

İzrail mediası armiya êçendä üz-üzeñä qul salu oçraqlarınıñ da artuın belderde.

“Maariv” gazetı bäreleşlärneñ ikençe könendä stresska kergän ber ğaskärineñ üz-üzenä qul saluın açıqladı.

Armiya êçendä 18 ayda 279 ğaskäri üz-üzenä qul salırğa telägän. Alardan 36ısı ülem belän tögällängän.

İzrail 2023 yılnıñ oktäbrennän birle Ğazzädä kübese xatın-qız häm balalar bulğan 70 meñnän artıq keşene üterde, 171 meñnän artıq keşene yaraladı.