Daniyaneñ tönyağındağı Aalborg aêroportı kügendä dronnıñ kürenüennän soñ barlıq oçqıç säfärläre waqıtlıça tuqtatıldı. Poliśiya reyslarnıñ iminlek nigeznamäse belän tuqtawın açıqladı.

Tönyaq Yutlandiyadän yasalğan belderüdä bolay diyelde: “Dronnar Aalborg aêroportı tirä-yağında kürende, hawa kiñlege yabıldı. Poliśiya waqiğa urınına tikşerü alıp bara”.

Räsmi zatlar annarı älege dronnarnıñ aêroport kügennän yıraqlaşuın belderde.

Atna başında Kopengagen aêroportında da oxşaş waqıyğa küzätelde, dron xäbärennän soñ barlıq reyslar waqıtlıça tuqtatılğan ide.

Daniya premyer-ministrı Mette Frederiksen Kopengagendağı waqıyğa belän bäyle yasağan belderüendä dronnarnı Rusiyäneñ cibärü ixtimalı buluın äytkän ide.