Süriyä ilbaşı ilenä kertelgän sankśiyalärne äkren beterüneñ yäisä beterügä qomaçawlawnıñ Süriyä xalqınıñ üterelüendä qatnaşu buluı turında kisätte.
El Şaraa yäkşämbe könne “CBS”ka birgän intervyuda bolay dide: “Bar dönyanıñ sanksiyalärne äkren beterep yäisä beterügä qomaçawlap häm Süriyäne qabat tözekländerügä kirtä quyıp, xalıqnıñ üterelüendä tağın ber tapqır qatnaşmawı zarurlığına ışanam.”
İlbaşı: “Bügen keşelärne çınnan da ğayeple rejim yasağan basımnan qotqardıq” dide häm qaçaqlar belän yortsız qaluçılar öçen ömet çatqısı buluların da citkerde.
Süriyäneñ “DEAŞ” terror oyışması belän köräşüen, İranlı suğışçılar belän “Xizbullah”nı ildän çığaruın häm ximik qoral qorbannarına yärdäm kürsätüen äytkän ilbaşı bolarnıñ çınlıqta xalıqara cämäğatçelekneñ wazıyfaları buluın äytte.
Şaraa: “Xalıqara cämäğatçelek ber genä totqınnı da irekkä çığara almadı yäisä açlıqtan ülgän keşelär torğan rayondağı qamalışnı beterä almadı,” – dide.
AQŞ belän mönäsäbätlär
80nçe BMO ğomum şurasında qatnaşır öçen AQŞka kitkän Şaraa 1967 yıldan birle BMOda çığış yasağan berençe Süriyä liderı buldı. Ğomum şura 29 sentäbrgä qadär baraçaq.
AQŞ ilbaşı Trampnıñ sankśiyalärne beterü qararın tiz, qıyu häm tarixi dip atağan Şaraa qararnı maqtap bolay dide: “Süriyä häm AQŞ arasındağı şaqtıy mäs’äläne häm ike yaqlı mänfäğatlärne söyläşergä kiräk.”
Süriyäle lider şulay uq Tramp belän qabat küreşep, mönäsäbätlärne qabat qorırğa teläwen citkerde.
Donald Tramp bıyıl Riyadtağı may ayı cıyılışlarınnan soñ Süriyägä qarağan kiñ qırlı AQŞ çikläwlären beterde. AQŞnıñ Qazna ministrlığı avgust ayında Amerikalı şirkätlärneñ Dimäşk citäkçelege belän säwdä başqarırğa däwam itä alaçağın citkerde.
Süriyädäge yaña citäkçelek Äsadnıñ bärep töşerelüennän birle ictimağıy ahäñne täşwik itü belän ber rättän regional häm xalıqara partnyerlar belän xezmättäşlekne kiñäytü, säyäsi häm iqtisadi reformalarnı çınğa aşıru öçen tırışlıq quya.
