Xalıqara migratsiya oyışması düşämbe könne Liviya yarlarında 55 keşene utırtqan köymäneñ awuı näticäsendä, aralarında ike bäbi dä bulğan, 53 qaçaqnıñ hälaq buluın yäki yuğaluın belderde.

Oyışma qotqaruçılarğa sıltama yasap, köymäneñ pänceşämbe könne Zawiyadan yulğa çıquın häm comğa könne Zuvara sulıqlarında batuın xäbär itte. Zawiya häm Zuvara — Liviya başqalası Tripolinıñ könbatışındağı ike diñgez buyı şähärçege.

Belderüdä: "Liviya xökümäte alıp barğan êzläw-qotqaru operatsiyäse waqıtında barı ike nigeriyäle xatın-qız qotqarıldı. Qotqarıluçılarnıñ berse iren yuğaltuın, ikençese isä bu facıyğada ike bäbiyeneñ hälaq buluın äytte," — diyelä.

Berläşkän Millätlär oyışması mäğlümatına kürä, 2025nçe yılda Urta diñgezdä 1300dän artıq möhacir yugalğan.

Ğıynwar ayında ğına, awır hawa şartları waqıtında, berniçä "kürenmäs" diñgez hälakäte näticäsendä töbäktä, kim digändä, 375 möhacirneñ ülüe yäki yugaluı belderelde. Monnan tış, yözlägän ülemneñ terkälmi qaluı uylanıla.

Oyışma: "Bu soñğı waqıyğa belän bergä, 2026 yılda älege yulda hälaq bulğan yäki yugalğan dip belderelgän möhacirlär sanı, kim digändä, 484kä citte," — dip belderde.

Liviya — bäreleşlärdän häm yarlılıqdan qaçuçı sıyınuçılar häm tärtipsez möhacirlär öçen çülne häm Urta diñgezne kicep Awrupağa ireşü yulındağı qurqınıç ber küçeş noqtasına äwerelde.