Sanaê Takaiti - Yaponiyäneñ xakimiyättä bulğan Liberal-demokratik partidäse citäkçese, parlamentnıñ ike palatasında da ciñep, ilneñ berençe xatın-qız xökümät räise bulıp bilgelände.

Sişämbe könne Takaiti 465 urınlı tübän palatada 237 tawış cıydı häm küpçelekneñ yaqlawın aldı.

Anı, şulay uq, azraq täêsirle yuğarı palata da rasladı häm ul sişämbe kiçendä Yaponiyäneñ 104nçe premier-ministrı bularaq ant itte. Takaiti, uzğan ayda saylawlarda ciñelü öçen cawaplılıq alıp, wazıyfasınnan kitüen iğlan itkän Sigêru Isiba urınına kilde.

Sonğı biş yılda Yaponiyäneñ bişençe premyerı bulğan Takaiti azçılıq xökümäten citäkläyäçäk häm anıñ aldında küp burıçlar tora. Şular arasında kiläse atnada AQŞ ilbaşı Donald Trampnıñ planlaştırılğan vizitı da bar.

Êlekke xêvi-metal barabançısı bulğan Takaiti 4 oktyaberdä Liberal-demokratik partiyä (LDP) citäkçese itep saylandı. Bu partiyä distälärçä yıl buyı diyärlek xakimiyättä tordı, läkin xäzer yaqlawçıların yuğalta bara.

Takaitinıñ saylanuınnan soñ altı kön uzğaç, konservativ qaraşları häm partiyäneñ xäyriyä aqçası belän bäyle skandalda qatnaşuı arqasında, Komeito partiyäse koalitsiyädän çıqtı. Bu Takaitinı reformist, uñçı Yaponita innovatsitä partiäse (JIP) belän alyans tözergä mäcbür itte. Bu kileşü düşämbe kiçendä imzalandı.

JIP azıq-tölektä qullanu salımın töşerergä, korporativ häm oyışma büläklären beterergä häm deputatlar sanın kimetergä teläk belderä.

Takaiti düşämbe könne yasağan belderüendä Yaponiyä iqtisadın köçäytü häm ilne kiläçäk buınnar öçen cawaplı bulırday itep üzgärtergä wäğdä birde.