Üzäk Afrika Cömhüriyätendäge Zamboye awılı yanındağı altın şaxtasında cir şuışu näticäsendä kim digändä 30 şaxtyer hälaq bulğan, küp sanda êşçe cimereklär astında qalğan.
Cirle räsmi zatlar beldergänçä, Kamerun çigenä yaqın Zamboye awılı yanında tradiśion räweştä êşli torğan altın şaxtasında cir ubılu bulğan.
Êzläw-qotqaru törkemnäre häm töbäk xalqınıñ tırışlığı näticäsendä cimereklär astınnan 30 şaxtyernıñ mäyete çığarılğan, yaralanğan keşelär däwalanu öçen xastaxanägä ozatılğan.
Küp sanda şaxtyernıñ cimereklär astında qaluı häm töbäktä êzläw-qotqaru êşläreneñ däwam itüe belderelä.
Hökümät süzçese Evariste Ngamana hälaq bulğannarnıñ ğailäläreneñ qayğısın urtaqlaşqan, räsmi zatlarnıñ waqıyğadan zıyan kürgännärgä yärdäm kürsätü öçen tırışlıqların däwam itüen beldergän.
