AQŞ ilbaşı Donal’d Tramp däwlät departamentı häm qazna ministrlığına “Möselman qardäşlär”neñ qayber büleklären “Çit il terror oyışması” häm “Maxsus bilgelängän global’ terrorçı” dip tanunı tikşerergä quşqan boyırıqnı imzalağan.
Düşämbe könne çıqqan boyırıq ike departamentqa da, baş prokuror häm milli küzläw oyışması direktorı belän kiñäşläşep, Livan, Misır, Yordaniya da kergän qayber illärdäge büleklärne bäyäläwne yökli.
Bu oyışmalar xisap äzerlärgä häm kiräk bulsa törkemnärne räsmi räweştä bilgeläw öçen 45 kön êçendä çaralar kürergä tiyeş.
Aq Yort beldergänçä, bu ğamäl büleklärneñ operativ mömkinleklären kimetü, alarnı finaslawnı tuqtatu, AQŞ grajdannarına häm milli iminlekkä yanağan qurqınıçlarnı qarawnı maqsat itep quya.
AQŞ “Möselman qardäşlär”ne terrorçı oyışma dip klassifikaśiyälämäde.
Oyışma däwlät departamentınıñ Çit il terror oyışmaları isemlegendä yuq.
Bu adım AQŞ Kongressında da qarala.
