Ukraina däwlät başlığı Volodimir Zelenskiy ukrainalı wäqalätlelär belän AQŞ ilbaşı Donald Trampnıñ wäkilläre uzdırğan yuğarı däräcäle oçraşulardan soñ Kiyevnıñ Rusiyä belän suğışnı tögälläw öçen “axırğı kileşü”gä ireşü östendä êşläwen belderde.

“Amerikanıñ yomğaqlawçı kileşü tözergä teläwen xis itäbez häm bez tulısınça xezmättäşlek yağında. Ukraina berqayçan da tınıçlıqqa qarşı kilmäde”,-dide Zelenskiy.

Ul söyläşüçe törkemneñ oçraşulardan köçäytelgän proyekt ölgese belän qaytuın citkerde.

Zelenskiy, Ukraina diplomatiyäsen däwam itkän arada, xalıqara cämäğatçelekneñ ênergetika tarmağına qarata Rusiyä höcümnärenä qarşı hawa saqlanu raketaları häm qoral finaslawnı täêmin itüe kiräklegen assızıqladı.

Monnan tış, ul kiläse 2 yıl öçen 90 milliard dollarlıq yärdäm paketı mäsäläsendä Ursula fon der Leyen belän söyläşüen rasladı häm monı Ukrainanıñ milli qarşılığı öçen tarixi qarar bularaq bäyäläde.