Fälästinle ber däwlät oyışması İzrailneñ Fälästindäge xristiyannarnıñ obyektların yuqqa çığaruın häm Ğazzädäge küpläp üterü waqıtında çirkäwlär häm xristiyan oyışmaların bombalarğa däwam itüen äytä.
belderüendä 2002 yılğı Yordannıñ könbatış üzänlegenä höcüm waqıtında ber çirkäw aldında toruçı İzrail tankı töşerelgän räsemne urtaqlaşıp, Netanyaxunıñ comğa könne BMO ğomum şurasında yasağan häm İzrailneñ Yaqın Könçığışta xristiyannarnı saqlawçı bedänber däwlät buluın däğwa itkän çığışına cawap birde.
Komitet bolay dide: “Bum-buş diyärlek BMO ğomum şurası zalında suğış cinayäten başqaruçı häm Xalıqara caza mäxkämäsennän qaçuçı Binyamin Netanyaxu tağın ber tapqır fälästinle xristiyannar xaqında yalğan söyläde. Çınbarlıq şul: İzraineñ kolonizator êtnik çistartu, aparteid häm genoŝid säyäsätläre Fälästindäge xristiyan obyektların yuqqa çığardı.”
Komitet beldergänçä 1948 yılğı Näkbä faciğasennän êlek Fälästinneñ tarixi cirlärendä xristiyannar xalıq sanınıñ 12,5%ın täşkil itä ide läkin İzrail däwläte qorılğan waqıtta 100 meñlägän keşene mäcbüri räweştä öylärennän çığardılar. Bügen isä tarixi Fälästindä xristiyannarnıñ barı tik 1,2%ı qaldı.
Komitet bu kimüneñ İzrailneñ etnik çistartu, mäcbüri räweştä yortsız qaldıru, cirlärne qulğa töşerü häm sistematik basım säyäsätläreneñ näticäse buluın citkerde.
Komitet Näkbä waqıtında 90 meñ fälästinle xristiyannıñ yortsız qaluın häm yaqınça 30 çirkäwneñ mäcbüri räweştä yabıluın ürnäk itep kürsätte.
Xristiyan öyläre häm çirkäwläre dä bombalana
Komitet xristiyan öyläreneñ dä bombağa totıluın häm ğailälärneñ çirkäwlärgä sıyınırğa mäcbür qaluın läkin çirkäwlärneñ dä İzrail höcümnärenä duçar qaluın açıqladı.
Ğazzädäge höcümnär başlanğannan birle 44 fälästinle xristiyannıñ yaqtı dönyadan kitüe citkerelde.
Komitetka kürä Yordannıñ könbatış üzänlegendä Ramallah yanındağı xristiyan awılı bulğan Taybehkä suğışçı törkemnär tarafınnan höcümnär oyıştırıla. Şulay uq Fälästindäge çirkäwlär häm izge cirlärdäge missiyalärgä tine bulmağan höcüm yasala.
İzrail küptän tügel Pravoslaviye patriarxatı xisapların tuñdırdı, çirkäw mileklärenä awır salımnar kertte häm ärmän çikäw mileklären qulğa töşerde.
Komitet: “Fälästindäge xristiyan obyektların saqlaw cirle mäs’älä genä tügel, şul uq waqıtta global gumanitar, äxlaqıy häm xoquqıy däğwa bulıp tora,” – dide.
