Räsmi mäğ’lümatlarğa qarağanda, Törkiyäneñ xalıq sanı 2025 yılda, uzğan yıl belän çağıştırğanda 427 224 keşegä artıp, 86,09 millionğa citte.

Törkiyä statistika oyışmasınıñ düşämbe könne yasağan belderüendä äytelgänçä, Törkiyädä ir - atlar sanı 43,06 million bulıp ğomumi xalıqnıñ 50,02%ın, ä xatın-qızlar sanı isä 43,03 million belän 49,98%ın täşkil itte.

Yıllıq xalıq sanı artu tizlege 2024 yılda meñdä 3,4 bulğan bulsa, 2025 yılda meñdä 5kä qadär kütärelgän.

İstanbul 2025 yılda annan êlekke yıl belän çağıştırğanda 52 451 keşegä artıp, 15,75 million keşe belän Törkiyäneñ iñ küp xalıq yäşägän şähäre buldı.

Başqala Änkaradağı xalıq sanı - 5,9 million, İzmirdä  4,5 million,  Bursada 3,26 million  häm Antaliyada 2,77 million .

Törkiyä xalqınıñ urtaça yäşe 2024 yılda 34,4 bulğan bulsa, 2025 yılda 34,9ğa kütärelgän.