Fälästinneñ “Qızılay” oyışmasına kürä İzrail armiyase pänceşämbe kiçen Könçığış Qodüs tönyağındağı Kafr Akab rayonındağı basıp aluda iki fälästinle yaralandı.
Belderüdä äytelgänçä törkemnär Kafr Akabta berse tez astınnan, ikençese ayağınnan yaralanğan ike keşene däwaladı.
Şahitlar Fälästin räsmi xäbär agentlığı “WAFA”ğa İzrail poliŝiyase häm armiya köçläreneñ rayonğa kerep, yäşlärne qualawın häm utlı qorallar belän küzdän yäş kiterüçe bomba qullanuı turında xäbär itkän.
Armiya berniçä yulnı yabıp, xalıqnıñ häm transport çaralarınıñ xäräkäten çiklägän dip äytelä.
Bu waqıyğa İzrail köçläre yaw astındağı Yordannıñ könbatış üzänlegeneñ tönyağında urnaşqan Cäninneñ könyağındağı Qabatiya rayonında ber fälästin keşesen atıp ütergännän berniçä sägättän soñ barlıqqa kilde.
Şulay uq, pänceşämbe könne irtän Hebronnıñ könyağındağı Ar-Rihiya awılında futbol uynap yörgän Fälästin balası da İzrail utında hälaq bulğan.
Cirle räsmi zatlarğa kürä 2023 yılnıñ oktäbrennän birle Yordannıñ könbatış üzänlegendä 1000nän artıq fälästinle üterelde, yaqınça 10 meñ keşe yaralandı häm 20 meñnän artıq keşe, şul isäptän 1600 bala, qulğa alındı.
