Könyaq Koreya häm Urta Aziyä illäre liderları citeşterü häm infrastruktura, möhim minerallar, ênergetika häm sanlı transformaśiya ölkälärendä xezmättäşlek itäçäk.

“Yonhap” xäbärenä kürä, Könyaq Koreya, Qazaqstan, Üzbäkstan, Törekmänstan, Qırğızstan häm Tacikstan liderları Seulda  Koreya–Urta Aziyä sammitında oçraştı.

İlbaşı idaräseneñ  cämäğat’çelekt belän êlemtälär särqatibe Seong Ghi-hong sammitta liderlarnıñ sänäğat säyäsäte, citeşterü häm asqorma, möhim minerallar, ênergetika häm śifrlı transformaśiya ölkälärendä xezmättäşlekne tiränäytü maqsatında memorandumğa qul quyuın belderde.

Seong äytüençä,  liderlar xezmättäşlekkä qağılışlı kileşülärne häm üzläreneñ küzallawların çağıldırğan Seul deklaraśiyäsen qabul itte.

Ul monı Könyaq Koreya belän Urta Aziyä arasında 30 yıllıq xezmättäşlek çorın başlap cibäräçäk  borılış noqtası dip bäyäläde.

Liderlar şulay uq yasalma intellekt häm fän ölkälärendä xezmättäşlekne üsterü maqsatında urtaq iniśiativa başlap cibärdelär.