“YPG” terror oyışmasınıñ Süriyäneñ tönyaq-könçığışında oyıştırğan höcümnärendä ike yäş keşeneñ ğomere özelgän.

“Alikhbariah TV” yäkşämbe könne yäşlärdän berseneñ Xasäkä şähärendä atıp üterelüen, ikençeseneñ isä Qamışlı cirlegendäge Äl Gariqa awılında üterelüen xäbär itte.

Televideniye kanalı monnan tış “YPG”neñ Xasäkäneñ tönyağındağı Äl Darbasiyah tiräsendä berniçä awılğa tentü oyıştıruın häm berniçä yäş keşene qulğa aluın citkerde.

Höcümnär Süriyä xökümäteneñ şimbä könne “YPG” belän utnı tuqtatunı tağın 15 köngä ozaytqannan ber könnän soñ yasaldı.

Utnı tuqtatu iğlanı Süriyä xökümäteneñ “YPG” belän dürt könlek utnı tuqtatunıñ tämamlanğanın äytkän häm kileşüneñ waqıtı çıqqannan soñ räsmilärneñ monnan soñğı adımnarnı qarawların beldergännän soñ berniçä säğät ütkäç yasaldı.

“YPG” – Törkiyä, Amerika Quşma Ştatları häm Awrupa Berlege tarafınnan terror oyışması bularaq qabul itelgän “PKK”nıñ Süriyä törkeme.