Törkiyä ênergetika häm tabigi ğığanaqlar ministrı Alparslan Bayraktar Törkiyäneñ ciröste häm diñgez bilämälärendä neft’ häm tabiği gaz êzläwne üz êçenä alğan yaña ênergiya kileşüen Paqıstan belän räsmiläşterergä planlaştıruın belderde.
Bayraktar, çärşämbe könne yasagan belderüendä, kileşüne räsmiläşterü öçen kiläse atnada Paqıstanğa baraçağın söyläde.
Bayraqtar “Lider Xäbär”gӓ: “Paqıstanda berençe tirän zondaj belän bäyle, diñgez bilämälärenä qağılışlı kileşüne imzalayaçaqbız. İke ciröste bilämäsendä häm ber diñgez bilämäsendä urtaq êşçänlekne başlıybız”,- dide.
“Daily Sabah“ beldergänçä, imza tantanasın sişämbe könne ütkärü kötelä.
Törkiyä belän Paqıstan aprel’ ayında Paqıstandağı 40 ayırım bloknı üz êçenä alğan diñgez bilämälärendä neft’ häm tabiği gaz êzläw tenderlarına urtaq täq’dim birü turında kileşü imzaladı.
Paqıstannıñ Mari Energies Limited, Oil and Gas Development Company Limited häm Paqıstan Petroleum Limited şirkätläre, Törkiyäneñ Türk Petrol (TPAO) belän bergä diñgez tenderlarında urtaq qatnaşu turında kileşü tözede.
Törkiyä tışqı êşlär ministrı Hakan Fidan iyül’ ayında İslamabadqa yasağan räsmi säfäre waqıtında Törkiyä şirkätläreneñ Paqıstannıñ diñgez rezervlarında neft häm tabiği gaz êzläw başqaraçağın äytte.
Paqıstan prem’yer-ministr urınbasarı häm tışqı êşlär ministrı Möxämmäd İsxaq Dar belän urtaq matbuğat oçraşuında çığış yasağan Fidan Änkaranıñ İslamabad belän iq’tisad häm ênergiya ölkäsendä bäyläneşlärne tiränäytü niyäten assızıqlap, ike il arasındağı säwdä külämen 5 milliard dollarğa citkerü öçen êşläyäçäklären belderde.
