İzrail saqlanu ministrlığınıñ comğa könne yasağan belderüenä kürä, 2026nçı yılnıñ saqlanu byudjetı 112 milliard şekel (34,63 milliard dollar) bularaq bilgelände. Bu monnan aldağı ölgedä küzdä totılğan miqdardan 27,8 milliard dollarğa (90 milliard şekelgä) tağın da kübräk.

Kiläse yıl byudjetı belän bäyle bularaq kabinet söyläşüläre däwam itkändä Saqlanu ministrı Yisrael Katz belän Finans ministrı Bezalel Smotrich saqlanu çığımnarı qısasında kileşte. Byudjetnıñ mart ayına qädär raslanuı kiräk, tiskäre oçraqta ildä qabat saylaw ütkärelergä tiyeş.

Ministrlar, atnakiçen ğädättä ozaq däwam itkän utırışnı başlatıp, comğa könne buluı mömkin tawışqa quyu aldınnan söyläşülärne däwam itterde. Tekst qabul itelgän oçraqta berençe tawışqa quyu öçen parlamentqa cibäreläçäk.

Katz ofisınnan yasalğan belderügä kürä, Saqlanu ministrı: "İzrail saqlanu köçlären nığıtıp, suğışçılarnıñ ixtıyacların tulısınça qänäğätländerü häm almaşlarnıñ (zapastağılarnıñ) yögen kimetü öçen täwäkkäl adımnarnı yasarğa däwam itäçäkbez, bu räweşle İzrail däwläteneñ här frontta qurqınıçsızlığın täêmin itäçäkbez”, - dip äytte.

Smotrich ofisı 2026nçı yıl saqlanu byudjetınıñ 2023nçe yıldağı suğışqa qädärge çor belän çağıştırğanda 14,5 milliard dollarğa (47 milliard şekelgä) artuın belderde.

Tel-Avivnıñ Ğazzägä qarşı ayawsız suğışı 2024nçe yılda Fälästin cirlärenä häm Livanğa qarşı başlatqan suğış öçen 31 milliard dollar sarıf itkän İzrail öçen bik çığımlı buldı.

İzrail ul waqıttan birle häm Ğazzädäge “Xamas” häm dä Livandağı “Xizbullah” belän utnı tuqtatu kileşülärenä qul quydı.