Nigeriyäneñ tönyaq-könçığışındağı Borno ştatında “Boko Xaram” terror oyışmasınıñ   xärbi bazağa höcüme näticäsendä 14 keşe hälaq bulğan.

Milli matbuğatta çıqqan xäbärlärgä qarağanda, “Boko Xaram” äğzaları Borno ştatınIñ Guzamala töbägendäge xärbi bazağa höcüm itkän.

Höcümdä 10 ğaskäri häm tınıç xalıqtan 4 keşe hälaq bulğan, küp sanda keşe yaralanğan.

2000 yıllar başınnan Nigeriyädä aktiv bulğan “Boko Xaram”  2009 yıldan birle oyıştırğan terror ğamällärendä un meñlägän keşeneñ ğomeren özgän häm yözlärçä meñ keşene yort-cirennän mäxrüm itkän.

Terror oyışması 2015 yıldan birle Nigeriyäneñ  kürşe däwlätläre Kamerun, Çad häm Nigerda da höcümnär oyıştırğan. Çad küle basseynındağı höcümnärendä kim digändä 2 meñ keşe hälaq bulğan.