Frantsiyada däwalap bulmıy torğan awıruları bulğan ölkän yäştäge patsiyentlarğa "ülärgä bulışu" qanunı ğamälgä kerde.
Qanun iyul ayında Frantsiya parlamentı tarafınnan qabul itelgän häm soñınnan Konstitutsiya şurası anı qayber iskärmälär belän raslağan.
Däwalap bulmıy torğan awıruları bulğan ölkän patsiyentlar öçen qabul itelgän qanun êvtanaziya tügel, ä "ülärgä yärdäm itü" dip küzallana.
Konstitutsiya Şurası 14 avgustta raslağan qanunnıñ qayber punktları buyınça açıqlıq kertüne sorağan ide.
Qanun 18 yäştän ölkänräk, citdi, däwalap bulmıy torğan awıruları bulğan Frantsiya watandaşlarına, şulay uq, Frantsiyada ozaq waqıt yäşäwçe keşelärgä qağıla.
Meditsina yärdäme belän ğomeren özüne awıru keşe, tabıb belän kiñäşläşkännän soñ, üze başqarırğa tiyeş. Qanun älege keşelärneñ awırtudan integüläre häm qararnı üz teläkläre belän qabul itüläre şartı quya.
Qanun patsiyentlarğa, ägär alar fizik yaqtan üzläre monı êşli almasalar, tabıb yäki şäfqat tutaşınnan yärdäm alırğa röxsät itä.
