Törkiyä başqa tankernıñ Gruziyağa barğanda Qara diñgezdä höcümgä duçar qaluın belderde. Sişämbe könne barlıqqa kilgän waqıyğada köymädäge keşelär arasında yaralanuçı bulmadı.

Berniçä kön êlek ike tanker Törkiyä sulıqlarında höcümgä duçar qaldı.

Ukrainalı ber iminlek çığanağı ike kön êlek barlıqqa kilgän höcümnärneñ cawaplılığın üz östenä aluın äytep, dronnarnıñ yäşeren räweştä Rusiyä neften taşuçı köymälärgä bärelüen citkerde.

Sişämbe irtän barlıqqa kilgän waqıyğada “Midvolga 2” isemle köymä zıyan kürde. Törkiyäneñ diñgezçelek departamentı X platformasında belderü yasap, tankernıñ Törkiyä yarlarınnan 80 diñgez mile yıraqlıqta höcümgä duçar qaluın yazdı.

Belderügä kürä tanker Rusiyädän Gruziyagä könbağış mayı taşığan häm köymädä 13 êkipaj personalı bulğan.

Törkiyä ilbaşı Räcäp Tayyip Ärdoğan düşämbe könne dron höcümnäreneñ borçuğa saluın citkerde.

“Üz êksklyuziv töbägebezgä härtörle iminlekkä yanawçı bu höcümnär qabul itelmäslek. Rusiyä belän Ukraina arasındağı konflikt Qara diñgezdä navigaŝiya qurqınıçsızlığına yanaw tudıruçı êtapka citte,” – dide ul.