Süriyä armiyäse şimbä könne, “YPG” terror oyışması Färat yılğasınıñ könçığışına çigengännän soñ, Xälebneñ könçığışındağı Däyr Hafir şähärendä tulısınça kontrol’ urnaştırıluın belderde.

Armiya operaśiyälär komandirlığı Süriyä Ğaräp xäbär agentlığına (SANA) yasağan belderüendä bolay dide:
“Xälebneñ könçığışındağı Dayr Hafir şähärendä xärbi kontrol’ tulısınça täêmin itelde dip belderäbez”.

Komandirlıq berleklärneñ Färatnıñ könbatışındağı kürşe Meskene häm Dibsi Afnan töbäklärenä taba alğa bara başlawın belderde.

Şimbä irtänge säğat’lärdä Süriyä armiyäse üz berlekläreneñ Däyr Hafirdän başlap Färatnıñ könbatışındağı töbäklärgä kerä başlawın xäbär itkän ide.

Şul uq waqıtta, qurqınıçsızlıq mäs’älälärenä iğ’tibarnı cälep itep, grajdannarnı minalar häm suğış qaldıqları çistartılğançı häm tulı iminlek täêmin itelgänçe, töbäktge bilgelängän xärbi operaśiya zonalarına kermäskä çaqırdı.  

Bu adım Färatnıñ könbatışında armiya tarafınnan alıp barılğan operaśiyäneñ maqsatındağı “YPG” terror oyışması liderı Ferhat Abdi Şahin oyışma äğ’zalarınıñ cirle waqıt belän irtänge säğat’ 7.00 dän başlap yılğanıñ könçığışındağı töbäklärgä çigenäçägen beldergännän soñ yasaldı.