“Lancet Global Health” jurnalında urın alğan ber tikşerü näticälärenä kürä İzrailneñ Ğazzädäge genoŝid suğışınıñ berençe 15 ayında 75 meñnän artıq fälästinle wäxşilärçä üterelgän. Bu san êlekkege räsmi sannar bulğan 49 meñnän küpkä yuğarıraq.

“Lancet” tikşerüe kürsätkänçä bu çorda qırıslıq näticäsendä ülüçelärneñ 56,2%ın xatın-qızlar, balalar häm qartlar täşkil itte. Bu kürsätkeç Ğazzä Sälamätlek saqlaw ministrlığınıñ xisapları belän ğomumi räweştä turı kilä.

Fälästinneñ säyäsät häm anketa üzäge tarafınnan alıp barılğan häm London universitetı “Royal Holloway”dan Maykl Spagat citäkçelendäge êşçänlek 2024 yılnıñ 30 dekabrennän başlap cide kön däwamında 2 meñ fälästinle ğailäne tikşerde.

Tikşerüçelär küpläp üterüneñ berençe 15 ayında qırıslıq arqasında 75 meñ 200 ülemnän tış İzrailneñ ayawsız suğışınıñ çirlär, bäla-qazalar yäisä başqa turıdan-turı bulmağan täêsirlärenä bäyle 16 meñ 300 ülem oçrağın bilgeläp ütte.