Törkiyä Cömhüriyäte ilbaşı Räcäp Täyyip Ärdoğan İzrailneñ Ğazzägä gumanitar yärdäm alıp baru öçen yulğa çıqqan global’ Sumud flotına oyıştırğan höcümen ğayepläde.

Ärdoğan pänceşämbe könne “Ğadellek häm üseş” partiyäseneñ  vilayät’ bülekläre başlıqları cıyılışında yasağan çığışında:
"İzrail idaräse xalıqara sularda tınıç xalıqqa oyıştırğan bu höcüm genośid  törkemeneñ Ğazzädäge keşelek cinayät’lären yäşerü öçen nindi xäldä buluın tağın ber tapqır isbatladı”,– dip assızıqladı.

Ärdoğan şulay uq:
"Genośidçı Netan’yaxu xökümäte tınıçlıq urnaştıru tügel, ä  mondıy mömkinlekneñ tuuına da tüzä almawın kürsätte”,- dide.

İlbaşı:
"Global’ Sumud flotı gazetlardağı wäxşätneñ häm İzrailneñ üterüçe yözen tağın ber tapqır böten dön’yağa kürsätte," – dide.

Ärdoğan:
"Bik awır şartlarda isän qalu öçen köräşkän fälästinle qardäşlärebezne yaqlawçısız qaldırmayaçaqbız, utnı tuqtatu häm tınıçlıq urnaştıru öçen bar köçebezgä êşläyäçäkbez”,– dip östäde.

Törkiyä räsmi zatları flot belän bäyle waqıyğalarnı yaqınnan küzätep baruların häm flottağı Törkiyä watandaşlarınıñ zıyan kürmäwe öçen çaralar kürülären belderde.