Radjastanda urnaşqan däwlätkä bäyle Savai Man Singh isemle xastaxanädä çıqqan yanğında reanimaśiyadä yatuçı 6 xasta yaqtı dönyadan kitkän.

Yanğınnıñ qısqa yalğanıştan çığuı uylanıla.

Räsmi zatlar ilneñ tönyaq-könbatışındağı Jaypur şähärendä däwlätkä bäyle iñ zur xastaxanädä barlıqqa kilgän yanğında kim digändä 6 awırunıñ ülüen, 5 keşeneñ isä yaralanuın belderde.

Xastaxanä räsm zatı Anurag Dhakad “ANI” xäbär agentlığına belderü yasap, yanğınnıñ çığu säbäbeneñ qısqa yalğanış bula alaçağın äytte.

Yanğın reanimaśiya bülegendä çıqqan.

“5 xastanıñ xäle haman da kritik,” – digän Dhakad, Radjastannıñ başqalasında urnaşqan xastaxanädän 13 keşeneñ isän-imin çığarıluın belderde.

Xastaxanä mödire Sushil Kumar Bhati äytüençä yanğın yäkşämbe tönlä başlanğan häm 20 minuttan soñ yanğın sünderüçelär kilep citkän.

“NDTV” media oyışması isä yanğınnıñ kontrol astına alunıñ yaqınça 2 sägät baruın citkerde.

Radjastan xökümäte yanğınnıñ säbäben tikşerü öçen ber wäkillekkä wazıyfa birde.

Noyabr ayında tönyaqtağı vilayät bulğan Uttar Pradeştağı ber bala tudıru yortında reanimaśiya bülegendä yanğın çıqqan, 10 bäbi yaqtı dönyadan kitkän ide.

2024 yılnıñ mayında başqala Yaña Däxlidäge ber bala tudıru yortında çıqqan yanğında 6 yaña tuğan bäbi ülgän ide.