Kosovo AQŞ ilbaşı Donald Tramp idaräse belän tözelgän kileşü nigezendä Amerikadan deportatsiyälänäçäk migrantlarnı qabul itä başlağan. Bu xaqta Balkannardağı ilneñ xökümät räise Albin Kurti pänceşämbe könne citkerde.
Televideniye kanalına interv'yuda ul berniçä migrantnıñ inde kilep citüen rasladı häm Kosovonıñ AQŞ "üz cirendä kürergä telämägän" keşelärne qabul itüen belderde.
Xökümättä citkerülärençä, iyün' ayında imzalangan kileşü Kosovoğa ber yıl buyına 50gä qadär migrant qabul itärgä mömkinlek birä.
Xökümät iyün' ayında yasağan belderüendä äytkänçä, Awrupanıñ iñ fäqıyr illärennän berse Kosovo, kileşüne imzalap, AQŞnıñ 2008nçe yılda Serbiyädän ayırılğannan birle yärdäm itüenä "mäñgelek räxmät"en citkerergä teläde.
Kurti fevral'dä xökümätkä kilde, läkin anıñ xökümäte soñraq tarqatıldı häm yaña saylaw 28 dekabr'dä ütkäreläçäk.
Kosovo, şulay uq, xökem itelgän çit il keşelären üz törmälärendä cäzaların ütätü öçen Daniya belän kileşü tözede.
