AQŞnıñ “Gerald R. Ford” aviataşuçısı ilbaşı Donald Tramp birgän kürsätmäse nigezendä comğa könne Urta diñgezgä kergän.
Atlantik okeannı Urta diñgezgä totaştıruçı Cäbälitarık buğazınnan ütkändä aviataşuçını buğazda fotoğa töşerep alğannar.
Monnan alda Yaqın Könçığışqa aviataşuçı cibärgän Tramp comğa könne belderü yasap, Tähran citäkçelege belän berär näticägä ireşep bulmasa, İranğa qarşı çiklängän höcüm yasawnı bäyäläwen äytte.
AQŞnıñ Yaqın Könçığıştağı xärbi köçe
Köymälär
Ber AQŞ räsmi zatı birgän mäğlümatqa kürä, Vaşington citäkçelegeneñ xäzerge waqıtta Yaqın Könçığışta 13 xärbi köymäse bar: ber aviataşuçı, tuğız destroyer häm öç bäreleş köymäse.
Dönyanıñ iñ zur aviataşuçısı bulğan “Gerald R. Ford”nı öç destroyer ozata bara. Aviataşuçı säfären tämämlağaç, töbäktäge AQŞ xärbi köymäläreneñ ğomumi sanı 17 bulaçaq.
İke aviataşuçıda da meñnärçä diñgezçe xezmät itä häm distälägän xärbi oçqıçtan toruçı hawa flotları bar. Mondıy zur ike aviataşuçınıñ ber ük waqıtta Yaqın Könçığışta buluı - siräk oçrıy torğan xäl.
Hawa köçläre
Açıq çığanaqlı küzläw xisapları, oçış küzätü saytı “Flightradar24” häm media xäbärlärenä kürä Amerika Quşma Ştatları aviataşuçılardağı reaktiv oçqıçlar belän ber rättän töbäkkä distälägän başqa xärbi oçqıç ta cibärde.
Bu oçqıçlar arasında “F-22 Raptor” häm “F-35 Lightning” küzgä kürenmäs xärbi oçqıçları, “F-15” häm “F-16” reaktiv oçqıçları belän operaŝiyalärneñ däwamlılığı öçen zarur bulğan “KC-135” oçqıçları bar.
Hawa saqlanu sistemaları
Xisaplarğa kürä Amerika Quşma Ştatları Yaqın Könçığıştağı cir öste hawa saqlanu sistemaların da köçäytte. Şul uq waqıtta töbäktäge küp sandağı idarä itelä torğan raketalı destroyerlar diñgezdän hawa saqlanu mömkinlegen tä'min itä.
Bazalardağı AQŞ cir öste köçläreneñ İranğa qarşı höcüm oyıştıruı kötelmäsä dä, Amerika Quşma Ştatlarınıñ Yaqın Könçığıştağı bazalarında un meñlägän xärbi personalı bar.
