Törkiyä häm Belgiya diplomatiya, saqlanu häm säwdä ölkälärendä ike yaqlı mönasäbätlärne nığıtu öçen adımnar yasıy, ike ilneñ ministrları çärşämbe könne başqala Änkarada ber törkem oçraşular ütkärde.

Diplomatik çığanaqlarğa kürä, Belgiyaneñ Törkiyägä qarağan İqtisadi missiyase qısalarında Törkiyä Cömhüriyäte Tışqı êşlär ministrı Xaqan Fidan belän Belgiya premyer-ministrı urınbasarı häm tışqı êşlär ministrı Maksim Prevo oçraşu ütkärde.

Prevo şulay uq Belgiyaneñ Awrupa êşläre häm üseş xezmättäşlege ministrı wazifasın da başqara.

Törkiyä Saqlanu ministrı Yaşar Gülär Belgiyale wazifadaşı Teo Frankennı Milli saqlanu ministrlığında qabul itte. Franken ike il gimnnarı yañğırağan xärbi tantana belän qarşı alındı.

İke saqlanu ministrı annarı üzara söyläşülär ütkärdelär häm soñınnan Törkiyä Milli saqlanu ministrlığı, saqlanu sänäğäte räislege häm Bel'giya saqlanu ministrlığı arasında niyät xatı imzalandı.

İmza tantanasında Törkiyä Cömhüriyäte İlbaşı idaräseneñ Saqlanu sänäğäte başlığı belän Bel'giyaneñ Milli qorallanu mödire, general-polkovnik Bernard Faleg qatnaştı.

İke oçraşunıñ êçtälegenä qağılışlı tulı mäğlümat älegä birelmäde.