Rusiyä Yaponiyädän AQŞta citeşterelgän "Tayfon" raketa sistemaların üz territoriyäsennän çığarunı taläp itüen belderde.

Tışqı êşlär ministrlığı wäkile Mariya Zaxarova yazmaça belderüendä AQŞnıñ "Tayfon" raketa sistemaları Yaponiyäneñ Kyusu utrawına urnaştırılğanın belderde.

Zaxarova bilgeläp ütkänçä, alar 3 sentyabrdä Mäskäwdäge Yaponiyä ilçelegenä protest notasın tapşırğannar, anda monıñ Rusiyäneñ milli qurqınıçsızlığına häm töbäk iminlegenä yanaw tudıruı turında äytelgän.

Zaxarova monnan tış tübändägelärne bilgeläp ütte:

"Yaponiyägä bu sistemalarnı üz territoriyäsendä, teläsä nindi säbäp belän häm teläsä qaysı waqıtqa urnaştıru qabul itelmi dip xäbär itelde. Yaponiya yağına mondıy ğamällärne tuqtatırğa häm sistemalarnı üz territoriyäsennän çığarırğa kiñäş itelde. Monnan tış, Yaponiya xökümäteneñ İkençe Bötendön'ya suğışı näticälären, şul isäptän, Könyaq Kuril utrawlarına qağılışlı territorial' mäs'äläne tanırğa häm qorallanu säyäsätennän baş tartırğa tiyeşlege assızıqlandı."

Zaxarova Qıtaynıñ da Yaponiyägä şundıy uq nota cibärgänen belderde.