İtaliyanıñ “ANSA” agentlığı xäbär itkänçä, ildä däwam itüçe anomal êsselär tormışqa tiskäre yogıntı yasıy.

İtaliya sälamätlek saqlaw ministrlığı bastırıp çığarğan byulletenğa qarağanda 25 şähärdä inde ğamäldä bulğan 3 nçe däräcädäge "qızıl kisätü" sistemasına tağın ike şähär östälde.

Qızıl kisätü iğlan itelgän şähärlärneñ qayber töbäklärendä hawa temperaturası 40 graduska qadär kütäreler dip kötelä, êsselek dulqını isä minimum tağın ber atna däwam itär dip farazlana.

Sälamätlek saqlaw ministrlığı "3 nçe däräcä" dip bäyälänüçe qızıl söränneñ ozaqqa suzılğan anomal êsselekneñ böten cämğiyät öçen sälamätlek qurqınıçı tudıruın añlatuın belderde.

Ministrlık bu kisätüneñ ölkännär, balalar häm xronik awıruları bulğannarnı ğına tügel, sälamät keşelärgä dä qağıluın bilgeläp ütte.

İtaliya bıyıl 4 nçe tapqır köçle qızular dulqını yoğıntısı astına kerde. Êlekkege êsselek dulqınnarında anomal êsselekkä bäyle ülem oçraqları terkälğän ide.