İzrail armiyase Räfax, Xan Yunıs, Cäbaliyä häm Ğazzä şähärendä yaña hawadan höcümnär başlattı.

Armiya düşämbe könne könyaq häm tönyaq Ğazzägä yaña höcüm dulqının başlatıp, 10 oktäbrdän birle ğamäldä bulğan utnı tuqtatu kileşüen tağın ber tapqır bozdı.

Şahitlar “Anadolu” agentlığına İzrail armiyaseneñ könyaqtağı Räfax şähärendä hawadan höcümnär oyıştıruın häm şähärneñ xärbi kontrol astındağı sarı töbäktä buluın belderde.

Şahitlar İzrail xärbi texnikasınnan Räfax yağına utnıñ açıluın äytte.

Şahitlar citkergänçä Xan Yunıstağı berniçä urınğa boralaqlar belän ber ük waqıtta artilleriya utı açıldı.

Tönyaq Ğazzädäge Cäbaliya da İzrail boralaqları maqsatında ide. Ğazzä şähäreneñ könçığışı da xärbi texnikadan açılğan ut astında qaldı.

Özleksez höcümnär

Yäkşämbe könne İzrail köçläre utnı tuqtatu kileşüen bozıp, Ğazzäneñ şaqtıy urınına artilleriya häm hawadan höcümnär oyıştrıdı.

Xan Yunısta diñgez berlekläre ike balıqçını qulğa aldı häm köymälären yuqqa çığardı. Hawadan höcümnär şähärneñ könçığışına oyıştırıldı.

Ğazzädäge Fälästinneñ sälamätlek saqlaw ministrlığına kürä 10 oktäbrdän birle töbäktä İzrailneñ kileşüne bozu oçraqlarında 390nan artıq keşe ülde, 1060tan artıq keşe yaralandı.

İzrail 2023 yılnıñ oktäbrennän birle kübese xatın-qız häm balalar bulğan 70 meñ 700 keşene üterde, 171 meñ 100dän artıq fälästinlene yaraladı.