_{Hindistannıñ üzäk öleşendä urnaşqan İndore şähärendä sunıñ pıçranuı säbäple, kim digändä, tuğız keşe êç kitüdän wafat buldı häm 200dän artıq keşe xastaxanägä salındı. Bu xaqta cirle sälamätlek saqlaw wäkilläre belderde. Kizüneñ säbäbe êçä torğan sunıñ pıçranuı belän bäyle dip farazlana. Deputat Kailaş Vijayvargiya İndoreda tuğız keşeneñ wafat buluın citkerde.}

_{İndore sälamätlek saqlaw idaräse citäkçese Madxav Prasad Xasani “Reuters” agentlığına telefonnan äytüençä, şähärneñ Bxagiratxpur töbägendäge eçä torğan su pıçranğan, analizlar ütkärgeç yulında bakteriyälär buluın raslağan . "Min ülüçelär sanı xaqında bernärsä dä äytä almıym, ämma äye, şul uq cirlektän 200dän artıq keşe şähärneñ törle xastaxanälärendä däwalana," - dide ul.}

_{Vilayät idarä citäkçese Şravan Verma äytüençä, wäqalätlelär öylärgä yörep analiz alu öçen tabiblar törkemnären bilgelägän häm sulıqnı çistartır öçen xlor tabletkaları taratalar.}

_{Wäqalätlelär 8571 keşene tikşergän häm 338endä ciñelçä simptomnar bilgelängän.}