Törkiyä milli küzläw oyışması (MIT) citäkçese İbrahim Kalin İstanbulda “Xamas” delegatsiyäse belän oçraştı. Delegatsiyäneñ citäkçese – Xälil äl-Xayya, “Xamas”nıñ säyäsi byuro söyläşülär komitetı başlığı. Oçraşuda Ğazzädäge utnı tuqtatu planınıñ kiläse êtapların tormışka aşıru yulları tikşerelde.

Çärşämbe könne bulgan bu oçraşuda, “Xamas” delegatsiyäse Törkiyägä, bigräk tä ilbaşı Räcäp Tayyip Ärdoganga, Änkaranıñ aradaşçı rolendäge tırışlıkları häm Ğazzädä utnı tuqtatu kileşüen täêmin itüçe häm küzätüçe bularak totqan urını öçen räxmät belderde, dip xäbär itä iminlek çığanaqları.

“Xamas” utnı tuqtatu kileşüenä tuğrılıqlı

Delegatsiyä “Xamas”nıñ utnı tuqtatu kileşüenä tuğrılıqlı buluın qabat rasladı, läkin zrail tarafınnan bulgan kabatlanuçı kileşü bozular turında da belderde.

İke yaq ta kileşü protsessınıñ tınıç häm özleksez däwam itüen täêmin itü öçen kiräkle adımnar turında fikerlären belderde häm däwam itüçe qıyınlıqlarğa çişeleş yulları êzlände.

Oçraşuda utnı tuqtatu planınıñ kiläse êtapların tormışka aşıru turında fiker alışular da buldı.

Şulay uq, Törkiyäneñ Ğazzägä gumanitar yärdäm kürsätü êşläre häm töbäktäge gumanitar krizisnı ciñeläytü tırışlıkları da tikşerelde.

Kalin delegatsiyägä xalıqara oyışmalar belän koordinaśiyä häm Ğazzägä östämä yärdäm cibärüne ciñeläytü öçen alıp barılgan êşlär turında mäğlümat birde.