Politsiya prins titulınnan mäxrüm itelgän Êndryu Mauntbetten-Windzornıñ, säwdä wäkile wazıyfasında waqıtta qanun bozuda şiklänelep, qulğa alınuın citkerde.

Politsiya pänceşämbe könne, Böyekbritaniya qanunnarına turı kiterep, Mauntbetten-Windzornıñ isemen äytmäde. Läkin, anıñ qulğa alınuı turaında sorağaç, politsiya 60 yaşlär tiräsendäge ir-atnıñ qulğa alınuı turında belderü yasadı.

Temza üzänlege politsiyäse belderüendä bolay dide: "Tikşerü qısalarında bez bügen (19 fevral’) Norfolktan 60 yaşlär tiräsendäge ir-atnı däwlät wazıyfasın naçar niyät belän qullanuda şiklänep qulğa aldıq."

Politsiya, şulay uq, qulğa alınğannan soñ, ike adresta, berse Angliyanıñ könçığışında, ikençese Londonnıñ könbatışında, tentülär ütkärelüen äytte.

Uzğan atnada barlıqqa kilgän yaña mäglümatlar buyınça, Êndryu Böyekbritaniyanıñ säwdä wäkile bulıp êşlägän waqıtta censi cinayätlärdä gäyeple dip tabılğan Jeffri Êpşteynğa konfidentsial’ dokumentlar cibärgän.