Tayfun barlıqqa kilgännän soñ xökümät 30 meñnän artıq keşene êvakuaŝiyaläde; üzäk vilayätlärdäge 4 aêroportnıñ yabıluı arqasında yözlägän oçqıç säfäre ğamäldän çığarıldı yäisä kiçekterelde.

Vyetnamda düşämbe könne Bualoy tayfunında 9 keşe yaqtı dönyadan kitte, 17 keşe isä yuğaldı. Dawıl öylärgä, êlektr çeltärlärenä zıyan saldı häm Laoska taba barğanda su basu häm zur dulqınanr alıp kilde.

Milli hawa torışı agentlığına kürä Bualoy ilneñ tönyaq urta yarı buyında kürelgännän soñ düşämbe irtänge sägätlärdä cir öslegenä kilep citte häm 8 metrlık dulqınnar barlıqqa kiterde.

Txanxoa vilayäteneñ cirle räsmi zatlarınnan berse dawıl belän köräş äzerleklärennän soñ öyenä qayqan waqıtta östenä ağaç töşep ülde.

Hyuê şähärendä ber keşe suda batıp ülde. Danangta ta ber ülem küzätelde.

Kuangçi vilayätendä köçle cildä br balıqçı köymäsen totıp toruçı arqan quptı. Zyalay vilayätendä isä 8 balıqçı belän êlemtä özelgän.

Ninbin vilayätendä köçle cillär arqasında öylär cimerelgän, 6 keşe ülgän. Kuangçi sulıqlarında ike balıqçı köymäse zur dulqınnar arqasında yuğalğan, 17 balıqçıdan xäbär yuq.

Ngean vilayätendä yäşäwçe 45 yäşlek Tuan Vinh: “Şaqtıy dawıl kürdem läkin bu iñ köçlese ide,” – dide. Kürşeläre öylärendä ut betüen, töne buyı yoqlamawların äytte.

Xo Van: “Köçle cil arqasında işek qubarılır dip uyladım. Yoqlıy almadım,” – dide.

Köndezge 11dä tayfunnıñ Ngean vilayätennän Laoska taba baruı häm cir östenä ireşkändä sägätenä 117 çaqrım bulğan maksimum cil tizlegeneñ 74 çaqrımğa töşüe belderelde.

Bualoy tayfunında xäzergä qadär 245 öy cimerelde, yaqınça 1400 gektar döğe häm qalğan kultura basuların su bastı.

Tayfun aldınnan xökümät 30 meñnän artıq keşene êvakuaŝiyaläde, 4 üzäk vilayättäge aêroportlarnıñ yabıluı arqasında yözlägän oçqıç säfäre ğamäldän çığarıldı yäisä kiçekterelde.

Tayfun şimbä könennän bügengä qadär Vyetnamnıñ zur öleşendä köçle yawım-töşemnär kiterep çığardı. Räsmi zatlar citdi su basu häm cir şuışuı riskı mäs’äläsendä kisätü yasıy.