Tönyaq Afrika ilendä protestlar däwam itä, däwlät mediası çärşämbe könne Marokkoda ber törkem keşeneñ ber poliŝiya bülekçäsen basıp alırğa tırışuınnan soñ poliŝiya xezmätkärläreneñ ut açuı näticäsendä ike keşeneñ yaqtı dönyadan kitüen belderde.

“Discord” web platformasında qorılğan häm bilgesez yäşlär tarafınnan başlatılğan çaralar Marokkonı berniçä kön buyı qaqşata.

Marokko êçke êşlär ministrlığı çärşämbe könne belderü yasap, sälamätlek saqlaw häm mäğarif tarmaqlarında reforma taläbe belän oyıştırılğan çaralar waqıtında 400dän artıq keşeneñ qulğa alınuın häm yaqınça 300 keşeneñ yaralanuın citkerde.

Xökümätkä bäyle “MAP” xäbär agentlığı cirle räsmi zatlarğa tayandırğan xäbärendä şul uq kiçne Agadir yar buyı şähäre yanındağı Lqliaada ber törkem keşeneñ poliŝiya bülekçäsen basıp alırğa tırışuın belderde.

Räsmi zatlar höcümneñ xärbi kiräk-yaraq häm xezmät qoralların qulğa töşerü maqsatı belän başqarıluın häm xezmätkärlärneñ legal saqlanu qısalarında xezmät qoralların qullanırğa mäcbür qaluın açıqladı.

“MAP” beldergänçä poliŝiya berençe höcümne kire çigendersä dä, törkem salqın qorallar belän qabat höcüm itte.

Räsmi zatlar: “Bu höcümdä ike keşe yaralandı häm yaqtı dönyadan kitte, höcümdä qatnaşqan qalğan keşelär isä yaralandı,” – dip belderde.

“MAP” waqıyğa belän bäyle yuridik tikşerü başlatıldı.

Çärşämbe könne Kasablanka, Tanca häm Tetouan kebek şaqtıy Marokko şähärendä yözlägän protestçı cıyıldı.

Şimbä könne başlanğan çaralar berençe tapqır räsmi röxsät belän çınğa aşırıldı.

Çaralar tübändäge taläplär belän oyıştırıldı: korrupŝiyaneñ betüe, bäysezlek, namus häm soŝial ğadellek. Qayberläre premyer-ministrnıñ êştän kitüen soradı.

Başqala Rabat yanındağı Sale şähärendä urnaşqan “AFP”ğa bäyle ber jurnalist yözlären yapqan keşelärneñ poliŝiya maşinalarına häm ber bank bülegenä ut törtüen añlattı.