AQŞ ilbaşı Donal’d Tramp Ukrainanıñ front sızığında tuqtap torırğa häm Rusiya belän suğışnı beterergä tiyeşlegen äytte.

 Ul Kiyevqa xäzerge cirläreneñ torışın kiläçäktäge söyläşülär öçen nigez itep qabul itärgä çaqırdı.

Yäkşämbe könne Vaşingtonğa qaytışlıy jurnalistlar belän söyläşkän Tramp comğa könne Ukraina däwlät başlığı Volodimir Zelenskiy belän ixlas oçraşu ütkärüen belderde häm Kiyevqa Donbass töbägen tulısınça Mäskäwgä birü täq’dime yasadı digän xäbärlärne kire qaqtı.

“Bez bu xaqta söyläşmädek”, – dide Tramp.

 “Alar êşlärgä kiräkle närsä -  barı tik xäzerge front sızığında qaluları”,- dip östäde ul.

Tramp Donbass töbägendä cirlärneñ 78%ınıñ  Rusiya tarafınnan alınuın belderep, Ukrainanıñ kiläçäktä nindi dä bulsa söyläşülär alıp baruı mömkin buluın, ämma xäzerge waqıtta bäreleşlärne tuqtatunıñ  berençe çiratta toruın assızıqladı.

Donbass töbäge Doneśk belän Lugansk ölkälären üz êçenä ala häm 2014 yıldan birle bäreleşlärneñ üzäge bulıp tora. Bu çorda Rusiyäneñ Qırımnı annekśiyäläwennän soñ, Rusiya yaqlağan separatistlar bäysezlek iğ’lan itkän ide.

Rusiya 2022 yılnıñ fevralendä başlatqan maxsus operaśiya näticäsendä töbäktäge kontrolen kiñäytep, Donbassnıñ zur ölşen üz qulına aldı.