“Washington Post”nıñ yäkşämbe könne saqlanu ministrlığı räsmilärenä sıltama belän birgän xäbärenä qarağanda, Pentagon yaqınça 1500 xärbigä Minnesotağa cibärelü mömkinlege öçen äzer bulu kürsätmäsen birde.

Xäbärdä ştattağı rizasızlıq waqıyğalarınıñ köçäyü ixtimalına qarşı armiyäneñ xärbi berämleklärne "urnaştıruğa äzer" xälgä kiterüe belderelde. Pentagonnıñ bu adımı AQŞ ilbaşı Donald Trampnıñ ştat wäqalätleläre migratsiyä bürosı xezmätkärlären nişän itep alğan protestları tuqtatmasa, "Ğıysyan qanunın" qullanu belän yanawınnan soñ yasaldı.

Tramp pänceşämbe könne “Truth Social” xisabındağı yazmasında bolay dide: "Ägär Minnesotanıñ korruptsiyälängän säyäsätçeläre qanunğa buysınmasa, professional' qotırtuçılarnıñ häm ğıysyançılarnıñ barı üz êşlären başqarırğa tırışuçı Migratsiyä häm çik sağı watanpärwärlärenä höcüm itüenä kirtä quymasa, ĞIYSYAN QANUNIN ğamälgä kertäçäkmen."

Pentagon häm Aq Yort mäsälä belän bäyle fiker belderü taläplärenä älegä cawap birmäde.