AQŞnıñ Miçigan ştatında mormonnar çirkäwına yasalğan höcüm häm şunnan soñ çıqqan yanğında tağın 2 keşe ülüe açıqlandı. Şulay itep, bu waqiğada ülüçelär sanı arttı.
Grand Blank şähäre politsiyä başlığı Uilyam Renye matbuğat oçraşuında: "Yanğan çirkäw cimeräklären tikşerü waqıtında tağın ike mäyet tabıldı," – dip belderde.
"Şulay itep, qorbannar sanı dürtkä citte," – dip östäde ul.
Waqıyğa Detroit şähärennän 80 km tönyaqta urnaşqan Ğaysä mäsihtän soñğı könnär izgeläre çirkäwendä bulğan.
Xakimiyätlär binağa ut törtelüen dä rasladı, läkin yanğınnıñ atış belän bäyle buluı älegä açıqlanmadı.
Politsiyä cämäğätçelekkä qurqınıç yuq, dip belderde, läkin qorbannarnıñ sanı häm xälläre turında mäğlümat birmäde.
Ğadättän tış xäl xezmätläre waqıyğa urınına kilde häm tikşerü däwam itä.
‘Köç qullanu êpidemiyäse’
Waqıyğadan ber tön alda çirkäwneñ liderı 101 yäşendä wafat bulğan, ğıybad8txanä anıñ matämen tota torğan bulğan. Cämäğat yakşämbe köndäge höcümne "facıyğäle köç qullanu" dip atadı.
"Gıybadät urınnarı solıx, doga qılu häm ber-bereñ belän bäyläneş qoru urınnarı bulırğa tieş. Bez barlıq zıyan kürüçelärgä tınıçlıq häm sälamätlek telibez," – dip yazdı çirkäw “X” platformasında.
1830 yılda açılğan mormon çirkäwe üz-üzen xristian oyışması dip sanıy, läkin üz doktrinaların “Mormon kitabı”na nigezli. Bu kitap, alar fikerençä, “İncil”gä qarağanda tulıraq.
Höcümnärdän soñ säyäsi büleneşlär tağın da tiränäyde, häm Tramp sulçı törkemnärne "êçke terrorçılar" dip atap, alarğa qarşı kampaniyä başlattı.
AQŞ ilbaşı Donald Tramp yakşämbe “Truth Social” platformasında : "İLEBEZDÄGE BU KÖÇ QULLANU ÊPIDEMIYÄSE ŞUNDUQ TUQTATILIRGA TIYEŞ!" – dip yazdı.
