İspaniyä xökümäte çärşämbe könne AQŞ ilbaşı Donald Trampnıñ İspaniyägä, saqlanu çığımnarın arttırmasa, tariflar kertü turındağı belderüenä kisken reaksiya kürsätte häm monıñ amerika watandaşlarına qıybatqa töşäçäge turında kisätte.
Parlamentta çığış yasağanda, İspaniyä vitse -premyerı Yolanda Diaz, AQŞ prezidentınıñ İspaniyägä kertmäkçe bulğan "cäza çarası"nıñ amerikalılar öçen "bik qıybatqa" töşäçägen belderde.
"İspaniyäneñ AQŞ belän säwdä balansı deficitta, dimäk, bu säyäsät amerikanlılarğa zıyan kiteräçäk," dip kisätte ul, ilneñ cämäğätçelek tapşıruları kanalı “RTVE” xäbär itkänçä.
Bu belderülär Trampnıñ NATO saqlanu çığımnarın arttırudan baş tartqan öçen İspaniyägä tamğaxanä salımnarı belän yanawınnan soñ yasaldı.
"Min İspaniyädän qänäğät tügel. Alar saqlanu çığımnarın 5 protsentqa citkermägän berdänber il... şuña kürä, min İspaniyädän qanäğat tügel," dip belderde Tramp Aq Yortta jurnalistlarğa.
Diaz, şulay uq, neft tarmağın, avtomobil sänäğäten yäisä täêsir itkän başqa tarmaqlarnı yaqlaw kiräklegen äytte häm: "İspaniyägä ispanlılar xuca; bez alarnıñ protektoratı tügel," dip belderde.
Şul uq waqıtta, tışqı êşlär ministrı Xose Manuêl Albares NATOğa häm Awro-Atlantik iminlegenä kertkän öleşlärenä İspaniyäneñ tulısınça tuğrılıqlı buluın qabatladı häm monı "şik astına quyılmaslıq" dip atadı.
Üz çiratında, fän ministrı Diana Morant Trampnıñ "ayırım belderülär yasarğa yaratuın", ämma iñ möhimeneñ "berniçä kön êlek anıñ premyer-ministr Pedro Sançes belän bik dustanä buluın äytte.
